АНКАРА (АА) – Министерството за одбрана на Туркије објави дека се неутрализирани 12 терористи на ПКК/ЈПГ што пукале во зоната на антитерористичката операција „Штитот на Еуфрат“ во Северна Сирија, известува Анадолу.
Во соопштението на Министерството за одбрана на Туркије се наведува дека турските сили ефикасно и одлучно продолжуваат со борбата против тероризмот во северните делови на Сирија.
Анкара од 2016 година досега изведе три успешни антитерористички операции преку границата, во Северна Сирија, со цел да спречи формирање терористички коридор и да овозможи мирно враќање на раселеното население. „Штитот на Еуфрат“ (2016), „Маслинова гранка (2018) и „Извор на мирот“ (2019) се имињата на операциите во кои од терористичка окупација се ослободени широки подрачја по должината на пограничниот појас во Северна Сирија.
Во својата над 35-годишна терористичка кампања против Туркије, ПКК, која е ставена на листата на терористички организации од страна на Туркије, САД и ЕУ, е одговорна за смртта на над 40.000 луѓе, вклучително жени, деца и стари лица. ЈПГ е сириски огранок на терористичката ПКК.
Извор: www.aa.com.tr
