Со два хеликоптери на грчкото воено воздухопловство во тек е акција за пребарување и спасување на двајцата пилоти
Авион од типот „канадер“ се урна на грчкиот остров Евија додека учествуваше во гаснењето на пожарот во близина на Каристос, јави дописничката на МИА од Атина.
Станува збор за авион што припаѓа на военото воздухопловство.
Несреќата се случи кратко пред 15 часот по локално време, а во моментов со два хеликоптери на грчкото воено воздухопловство во тек е акција за пребарување и спасување на двајцата пилоти.
Од Генералштабот на грчкото воздухопловство соопштија дека за време на воздушно гаснење на пожар на Евија, во 14:52 часот, авион CL-215, со екипаж од двајца пилоти од 355-та тактичка транспортна ескадрила на 112-то борбено крило се урнал на островот.
Грчката државна телевизија ЕРТ објави видео на кое е снимен моментот на падот на авионот.
Извор: 360stepeni.mk
