Две лица загинаа во вооружен напад во Нов Зеланд

ЊУЈОРК (АА) – Најмалку две лица загинаа, а неколкумина се повредени утрово откако маж пукал на градилиште во Окленд во Нов Зеланд, известува Анадолу.

„Пријавени се повеќе повредени, а во оваа фаза може да потврдиме дека две лица ги загубија животите“, објави новозеландската полиција.

Во соопштението се потврдува дека загинал и напаѓачот.

Полицијата започна истрага за инцидентот и ги повика граѓаните да го избегнуваат местото на нападот.

Локалните медиуми објавија дека најмалку шест лица се повредени, вклучително и полицаец.

Инцидентот се случил пред првиот натпревар на ФИФА Светското првенство во фудбал за жени меѓу домаќинот Нов Зеланд и Норвешка, кој започна во 19:00 часот по локално време (9:00 часот по средноевропско време).

Премиерот на Нов Зеланд, Крис Хипкинс, рече дека нападот е „акција на поединец“ и не претставува „закана за националната безбедност“.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS)..