Соработката меѓу Русија и Белорусија ја влоши безбедноста на регионот и на целата евроатлантска област, изјавија претседателите Гитанас Науседа, Анджеј Дуда и Егилс Левитс
Претседателите на Литванија, Полска и на Летонија напишаа писмо до генералниот секретар на НАТО и до лидерите на НАТО-алијансата, предупредувајќи ги на заканата од агресивните активности на Русија и развојот на ситуацијата во Белорусија, пишува Си-ен-ен.
„Соработката меѓу Русија и Белорусија ја влоши безбедноста на регионот и на целата евроатлантска област“,
изјавија претседателите Гитанас Науседа, Анджеј Дуда и Егилс Левитс.
Лидерите укажаа на руската употреба на белоруска територија во војната против Украина и стационирањето на руско тактичко нуклеарно оружје на територијата на Белорусија, нарекувајќи го тоа ескалирачки потег и директна закана за безбедноста на заедницата.
Извор: 360stepeni.mk
