Претседателот на САД Џо Бајден ќе се обиде да ги зајакне односите со Обединетото Кралство за време на неговата прва посета на новиот крал Чарлс, а тема на разговор меѓу другото ќе бидат и климатските промени, пренесува „Гласот на Америка“.
Средбата ќе се случи на 10 јули, а целта е да се зајакне врската меѓу двете нации пред самитот на НАТО кој би можел да го одреди текот на конфликтот во Украина.
„Претседателот со големо нетрпение го очекува ова. Како што знаете, Обединетото Кралство е наш најсилен сојузник, на толку многу начини, на толку многу нивоа“
изјавил за „Гласот на Америка“ Џон Кирби, портпарол на Советот за национална безбедност.
Бајден ќе се сретне и со премиерот Риши Сунак со кој тема на разговор ќе биде војната во Украина, а ќе се разговара за еколошките предизвици со монархот, кој беше ран застапник за климатските активности, додава „Гласот на Америка“.
Лондон е првата станица на патувањето на Бајден во три земји, кое започнува в понеделник. Тој потоа ќе замине во Вилнус, главниот град на Литванија, на самитот на лидерите на НАТО, а потоа во Хелсинки, главниот град на најновата членка на НАТО, Финска.
Извор: 360stepeni.mk
