Медиумите објавија дека пукањето во југозападниот дел на Филаделфија, во Кингсесинг, се случило еден ден откако две лица беа убиени, а 28 беа повредени за време на маалска забава во градот Балтимор, Мериленд
Четири лица загинаа, а четворица се повредени во престрелка во Филаделфија, а напаѓачот е уапсен, објавија локалните медиуми во понеделникот вечерта, повикувајќи се на полицијата. Портпаролот на полицискиот оддел во Филаделфија потврди за Ројтерс дека има „повеќе жртви од огнено оружје“, но рече дека засега нема дополнителни детали.
Непосредно пред 21 часот во понеделникот, 10 минути откако истрелите одекнаа низ градот, полицијата извести за апсење на осомничен маж кој носел балистички елек, додавајќи дека пронашла пушка и пиштол во блиската улица, пишува „Филаделфија Инквајер“.
Според медиумските извештаи, двајца од застреланите биле малолетници, но не е јасно дали тие се меѓу загинатите. Засега нема јасни детали за вооружениот напад.
Медиумите објавија дека пукањето во југозападниот дел на Филаделфија, во Кингсесинг, се случило еден ден откако две лица беа убиени, а 28 беа повредени за време на маалска забава во градот Балтимор, Мериленд. Полицијата соопшти дека се уште трага по повеќе осомничени за пукањето.
Извор: 360stepeni.mk
