Уапсен осомничениот напаѓач од Сисак – уби жена, тешко повреди четири лица и запали куќи и автомобили

Соседите на осомничениот напаѓач, како што јавува Индекс.хр, за него велат дека бил маж на околу 60 години и дека имал психички проблеми. Наводно живеел сам во трошна куќа и немал жена и деца. Тој е фатен од хрватската полиција доцна синоќа откако уби едно и тешко рани четири лица, а опожари неколку куќи и автомобили

По повеќечасовна потрага, синоќа, нешто по 1 часот по полноќ, хрватската полиција го усапси осомничениот напаѓач кој вчера вечер уби едно, а рани повеќе лица во градот Сисак во центарла Хрватска.

Во потрагата биле вклучени сите полициски сили на градот, а по осомничениот се трагало и со дронови.

Во престрелката е убиена жена на 45-годишна возраст, а четири лица се тешко повредени. Тие се пренесени во Општата болница во Сисак, каде што им е укажана лекарска помош. Медицинска помош им била укажана и на две лица, од кои едно дете, кои биле полесно повредени.

Освен што пукал во група луѓе, осомничениот наводно запалил неколку куќи и автомобили. Во полициското соопштение се наведува дека целосно се опожарени две семејни куќи и еден автомобил, а делумно опожарени се една куќа и еден автомобил. При гаснење на пожарот, полесно е повреден и еден пожарникар.

• Еден загинат и неколку повредени во пукање во Хрватска, напаѓачот е во бегство

Соседите на осомничениот напаѓач, како што јавува Индекс.хр, за него велат дека бил маж на околу 60 години и дека имал психички проблеми. Наводно живеел сам во трошна куќа, немал жена и деца.