(ФОТОГАЛЕРИЈА) Тодор Петров, Ристовски од ИНТЕГРА, пратеници на ВМРО-ДПМНЕ на собирот на МПЦ-ОА, Мицкоски вели да можел и тој би одел

June 29, 2023
1 min read

Пратеници и градоначалници од редовите на ВМРО-ДПМНЕ, претседателот на Светскиот македонски конгрес Тодор Петров, Љупчо Ристовски – лидер на конзервативната политичка партија ИНТЕГРА, универзитетскиот професор во пензија и епидемиолог Драган Даниловски, се дел од јавните личности кои попладнево се појавија на протестниот собир на МПЦ-ОА во Соборниот храм во Скопје.

Најавениот собир започна во 18 часот со изведба на молитвата „Оче наш“, а на бината, освен поглаварот на Македонската православна црква-Охридска архиепископија (МПЦ-ОА), г.г. Стефан и членовите на Синодот, присутни беа бискупот на Католичката црква во Македонија, Киро Стојанов и академик Катица Ќулавкова.

Собирот беше масовен, а присутните носеа знамиња со ѕвездата од Кутлеш, икони, крстови и транспаренти.

Лидерот на ВМРО-ДПМНЕ, Христијан Мицкоски, во интервју за ТВ Канал 5 изјави дека тоа што партиски членови и пратеници се присутни на настанот во Соборниот храм говори за ставот на партијата, но и за неговиот личен став.

„Таму ќе видите многу луѓе кои се препознатливи за ВМРО-ДПМНЕ. Она што можев да го видам е дека голем дел од пратеничката група на ВМРО-ДПМНЕ и коалицијата се таму, голем број членови и активисти на ВМРО-ДПМНЕ се таму и тоа говори за ставот на ВМРО-ДПМНЕ и за мојот личен став. Да не бев на ова денешно интервју, и јас ќе бев таму со моето семејство“,

рече Мицкоски за протестниот собир.

Мицкоски вечерва гостува на ТВ Канал 5

Во однос на двата предлог-закона, тој посочи дека неговата партија нема да ги поддржи во Собранието.

„Јас секогаш сум човек застапник за родова еднаквост, не треба да се врши дискриминација за маж и жена, но ова е сосема друго“,

рече лидерот на ВМРО-ДПМНЕ.

Под мотото „Имаме должност“, МПЦ-ОА вечерва одржа сенароден собир во знак на протест против предлог-законите за родова еднаквост и за матична евиденција за кои, како што велат од црквата, се сериозна закана за општеството.

ИЗВОР: 360stepeni.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Путин започна чистка во војската

Следно

(ВИДЕО) За г.г. Стефан, несреќни се законите за родова еднаквост и за матична евиденција

Latest from Blog

„Охридско лето“ со незаборавна музичка вечер: Полските виртуози ја воодушевија публиката во Скопје

Националната установа „Охридско лето“ продолжува да ја збогатува културната понуда и надвор од редовната фестивалска сезона, приредувајќи уште една впечатлива концертна вечер во Камерната сала на Македонската филхармонија во Скопје. Виртуозниот полски

Николоски: Стратешкото партнерство со САД е силно, инфраструктурните проекти се реализираат со одлична динамика

Заменик претседателот на Владата и министер за транспорт, Александар Николоски денеска оствари работна средба со Никол Варнс, вршител на должноста амбасадор на САД во земјава.  На средбата беше потврдена посветеноста на стратешкото

Коњановски: Младинско катче и кариерен центар за учениците во битолското економско училиште

Учениците во СОЕУ „Јане Сандански“ во Битола добија младинско катче и кариерен центар. Просторот го уредиле самите ученици со поддршка од нивниот професор и координатор Целе Јолевски, а на свеченото отворање присуствуваше

Николоски: Ниските даноци и пристапот до европскиот пазар се предност за јапонските компании

Македонија нуди најдобри и најконкуретни услови за инвестирање во целиот регион. Имаме континуиран раст на БДП, раст на индустријата и единаесет квартали раст во градежништвото. Исто така, даночната политика е најповолна бидејќи
Go toTop