Според соопштението објавено на веб-страницата на Белата куќа, извршната наредба првично била потпишана на 26 јуни 2001 година, а потоа била изменета со Извршната наредба од 28 мај 2003 година, за подоцна да биде проширена според Извршната наредба 14033 и останува во сила по 26 јуни 2023 година
Американскиот претседател Џо Бајден изјави дека во согласност со Националниот закон за вонредни состојби, останува во сила указот за вонредната состојба на Западен Балкан.
„Актите на екстремистичко насилство и опструкционистичка активност, како и ситуацијата на Западен Балкан, која го попречува напредокот кон ефективно и демократско владеење и целосна интеграција во трансатлантските институции, наведени во овие извршни наредби, продолжуваат да претставуваат невообичаена и вонредна закана за националната безбедност и надворешната политика на САД. Затоа, утврдив дека е неопходно да се продолжи националната вонредна состојба прогласена во Извршниот налог 13219 во однос на Западен Балкан“,
посочува Бајден во пораката до Конгресот, објавена на веб-страницата на Белата куќа.
Според соопштението објавено на веб-страницата на Белата куќа, извршната наредба првично била потпишана на 26 јуни 2001 година, а потоа била изменета со Извршната наредба од 28 мај 2003 година, за подоцна да биде проширена според Извршната наредба 14033 и останува во сила по 26 јуни 2023 година.
Извор: 360stepeni.mk
