Генералниот секретар на Алијансата Јенс Столтенберг денеска изјави дека НАТО мора да дискутира за опции на Украина да ѝ се дадат безбедносни гаранции за периодот по војната со Русија
Шефот на НАТО Јенс Столтенберг изјави дека во четврток ќе претседава со состанокот на итна координативна комисија со Украина за уништувањето на браната „Нова Каховка“.
Столтенберг на Твитер напиша дека разговарал со министерот за надворешни работи на Украина, Дмитро Кулеба, за „безобразното уништување“ на браната, „која раселува илјадници луѓе и предизвикува еколошка катастрофа“ додавајќи дека министерот Кулеба ќе им се придружи на сојузничките амбасадори на состанокот на Комисијата на НАТО којс ќе претседава утре.
Spoke w/@DmytroKuleba about the outrageous destruction of the #Kakhovka dam, which is displacing thousands of people & causing an ecological catastrophe in #Ukraine. Minister Kuleba will virtually join Allied ambassadors in a #NATO-Ukraine Commission meeting I will chair tomorrow
— Jens Stoltenberg (@jensstoltenberg) June 7, 2023
Генералниот секретар на Алијансата Јенс Столтенберг денеска изјави дека НАТО мора да дискутира за опции на Украина да ѝ се дадат безбедносни гаранции за периодот по војната со Русија.
„Кога војната ќе заврши, НАТО ќе мора да има подготвени опции за да се осигури дека Русија нема едноставно да ги прегрупира своите сили за некој нов напад“,
рече Столтенберг на брифинг со новинари во Брисел.
Во исто време, тој јасно стави до знаење дека НАТО – според член 5 од Вашингтонскиот договор – ќе обезбеди полноправни безбедносни гаранции само за полноправни членки.
Извор: 360stepeni.mk
