Чадот од пожарите ги прекри големите градови во Онтарио и Квебек, вклучително и Торонто и околните области. Чадот стигна до Њујорк и Конектикат, каде што квалитетот на воздухот е класифициран како нездрав
Загадувањето од шумските пожари кои беснеат низ Канада со недели зафатија големи делови од Северна Америка, каде што се издадени предупредувања за високоризичен квалитет на воздухот за повеќе од 55 милиони луѓе.
Чадот од пожарите ги прекри големите градови во Онтарио и Квебек, вклучително и Торонто и околните области. Чадот стигна до Њујорк и Конектикат, каде што квалитетот на воздухот е класифициран како нездрав.
BREAKING: Footage of the George Washington Bridge that connects New Jersey and New York City amid smoke from Canada wildfires.pic.twitter.com/d3FhjdRy6W
— The Spectator Index (@spectatorindex) June 7, 2023
Белата куќа соопшти дека испраќа поддршка до Канада додека се борат со шумските пожари и веќе распоредиле над 600 американски пожарникари и персонал, како и опрема како авиони со вода.
Од Белата куќа, како што пренесува Би-би-си, велат дека разговараат со повеќе агенции, како што се Агенцијата за заштита на животната средина, Центрите за контрола и превенција на болести и Федералната агенција за управување со вонредни состојби за координација со локалните власти за да се добијат навремени и точни информации до американските заедници погодени од чад во воздухот.
Голем дел од чадот доаѓа од Квебек, каде во моментов горат 160 пожари. Канадскиот оддел за животна средина вчера го издаде своето најстрого предупредување за Отава, класифицирајќи го квалитетот на воздухот во канадскиот главен град како „многу високоризичен“ за здравјето на луѓето. Во Торонто и околните области, квалитетот на воздухот е класифициран како „високоризичен“.
Филаделфија денеска издаде црвено предупредување и ги повика жителите да останат дома.
„Постарите, малите деца и бремените жени или оние со проблеми со срцето и белите дробови може да имаат сериозни здравствени ефекти од чадот. За оние кои не се сметаат за чувствителна група, бараме да избегнуваат напорни активности на отворено, како што се трчање или вежбање“,
изјави Џејмс Гароу, портпарол на Одделот за јавно здравје во Филаделфија.
Гароу рече дека не е јасно колку долго ќе трае црвеното предупредување или дали ќе се намали. Издадени се предупредувања за квалитетот на воздухот и за делови од Масачусетс, Њу Хемпшир, Пенсилванија, Мериленд, Вирџинија.
Lower Manhattan via @EarthCam as we approach 2:00pm. Speechless. pic.twitter.com/EyoRBfHcsZ
— New York Metro Weather (@nymetrowx) June 7, 2023
Јавните училишта во Њујорк и Вашингтон ги откажаа активностите на отворено поради лошиот квалитет на воздухот, пренесува Си-ен-ен.
Вашингтон моментално има индекс за квалитет на воздухот (AQI) од 182, кој се квалификува како „нездрав“.
„Најлесен начин да ги избегнете негативните ефекти од вдишувањето чад е да останете внатре, по можност со затворени прозорци и врати. Чадот може да биде особено штетен за децата, постарите лица и луѓето со здравствени проблеми кои влијаат на нивното срце или бели дробови“,
се вели во предупредувањето од властите.
The Statue of Liberty is seen shrouded in smoke from Canadian wildfires, as viewed from Brooklyn, New York. 06 June 2023. @StatueEllisFdn #CanadaOnFire pic.twitter.com/7UJHUyLiNu
— Adam Gray (@agrayphoto) June 7, 2023
Маршал Бурк, вонреден професор на Универзитетот Стенфорд, објави табела на Твитер што покажува дека овој настан е поголем по обем од кој било друг во изминатите две децении во Њујорк.
Current wildfire smoke event in NYC is off the charts relative to anything in past two decades. Here’s a chart showing daily PM2.5 from smoke back to 2006 versus today, averaged over pollution monitors in NYC. Last two days are remarkable. pic.twitter.com/28qkRC24gF
— Marshall Burke (@MarshallBBurke) June 7, 2023
Експертите ги советуваат граѓаните дека платнените маски нема да ги заштитат од чадот, но други, како што се маските за респиратори N95, можат да обезбедат одредена заштита. Експертите исто така предлагаат да се користи филтер за воздух во домовите.
Американската агенција за заштита на животната средина (ЕПА) го класифицира квалитетот на воздухот во поголемиот дел од североисточниот дел на САД како „нездрав“, особено за луѓето со веќе постоечки респираторни проблеми. Предупредувања за квалитетот на воздухот вклучуваат голем дел од Њујорк и Конектикат. Тие исто така се протегаат на север до Бостон и на југ до Питсбург и Вашингтон.
Делови од источна Пенсилванија, Њујорк и Нова Англија беа класифицирани во индекс на квалитет на воздухот над 200, што значи услови кои се „многу нездрави за секого“.
Најновите сателитски снимки од американската Национална агенција за океани и атмосфера (NOAA) покажуваат уште еден густ облак од чад од ниво 6, односно оној што носи „опасен квалитет на воздухот“.
Моменталниот индекс на квалитетот на воздухот во градот Сиракуза, Њујорк е 351, што се смета за ниво 6, на кое треба да се избегнува секаква физичка активност на отворено. Тој густ чад се движи кон југ и се очекува да го влоши квалитетот на воздухот во Њујорк, Филаделфија и Вашингтон.
Федералната управа за авијација (FAA) издаде кратко предупредување за затворање на аеродромот „ЛаГвардија“ во Њујорк поради проблеми со видливоста предизвикани од чад. Предупредувањето беше укинато во 14 часот по локално време, но ФАА соопшти дека може да има дополнителни откажувања на летови. Авионите кои летаа за меѓународниот аеродром во Њу Џерси исто така доцнеа до полноќ.
Hey travelers, get the inside scoop on how today’s weather may affect your flight. Be sure to visit https://t.co/smgdqJN3td for general airport delays and get the details at https://t.co/teUeDe1gXx. #FAAWeatherSquad pic.twitter.com/Cl8cu3h45U
— The FAA ✈️ (@FAANews) June 7, 2023
ФАА претходно денеска предупреди дека чадот може да влијае на летовите во североисточниот дел на САД. Во видео објавено на Твитер, портпаролот на ФАА, Сем Асби, рече дека видливоста е намалена во Бостон, пошироката област Њујорк, Филаделфија и пошироката област Вашингтон поради чад.
Чадот од шумските пожари го бои воздухот во портокалова боја од истата причина поради која небото изгледа сино кога воздухот не е загаден. Имено, бојата е поврзана со видот на честичките во воздухот, нивната големина, количина и каква боја бранова должина ја блокираат.
Сончевата светлина содржи поголем спектар на бои. Но, додека минува низ атмосферата на Земјата, удира во молекулите и честичките во воздухот. Боите што се гледаат се оние бранови должини што остануваат по интеракција со честичките. Чадот од шумските пожари ги блокира пократките бранови должини, како што се жолтата, зелената и сината, а само црвените и портокаловите бои допираат до очите на луѓето.
Извор: 360stepeni.mk
