Речиси секоја река од Болоња до североисточниот брег на Италија се излеа
Повеќе од 20 реки се излеаја од своите корита и предизвикаа катастрофални поплави во Италија. Бројот на жртви, според извештаите во медиумите, расте. Како што пренесува Би-би-си, досега има 13 жртви, а 13 000 луѓе беа принудени да ги напуштат своите домови и да се евакуираат.
Повеќе од жртвите беа пронајдени денеска откако се излеа речиси секоја река помеѓу Болоња и североисточниот брег на Италија.
Обилните врнежи предизвикаа и над 280 свлечишта.
Поплавите ја наметнаа во јавноста дебатата за тоа дека на Италија ѝ е потребен национален план за одговор на ефектите од климатските промени.
Се смета дека многу фактори придонеле за поплавите, но климатските промени се една од главните причини што ги прави врнежите пообилни. Глобалното загревање е 1,1 степен Целзиусов од почетокот на индустриската ера, а се предвидува дека температурите на земјината топка ќе продолжат да растат доколку владите ширум светот не преземат итни мерки за намалување на глобалното затоплување.
Извор: 360stepeni.mk
