ВАШИНГТОН (АА) – Врховниот суд на Соединетите Американски Држави (САД) го одби барањето за укинување на државната забрана за продажба на полуавтоматско и автоматско оружје во американската сојузна држава Илиноис, јавува Анадолу.
Откако американската сојузна држава Илиноис во јануари ја забрани продажбата или поседувањето полуавтоматско и автоматско оружје и рамки со голем капацитет, до Врховниот суд се пратени приговори од групите што се залагаат за индивидуално вооружување.
Во оцената на барањата за суспендирање на законот, Врховниот суд на САД одлучи дека законот треба да остане на сила.
Продажбата на одреден број пушки со долга цевка, вклучително и АП-15 и АК-47, беше забранета со државен закон усвоен во јануари.
Законот, исто така, забранува продажба на рамки што содржат повеќе од 15 куршуми за пиштоли и повеќе од 10 куршуми за долгоцевно оружје. Лицата што легално поседувале пиштоли и рамки за муниција што беа забранети пред законот да стапи на сила смеат да го задржат своето оружје под услов да го регистрираат кај органите за спроведување на законот.
Одлуката на Врховниот суд е донесена во време кога вестите за вооружени напади во САД беа интензивни.
Минатата година за време на прославата на 4 Јули, Денот на независноста, во вооружен напад во Илиноис убиени се седум лица, а 39 се повредени. Утврдено е дека 22-годишниот осомничен Роберт Е. Крајмо, кој е уапсен како извршител на нападот, дошол до пушка со долга цевка по легален пат.
Извор: www.aa.com.tr
