Путин: Нуклеарната централа „Акују“, еден од најголемите руско-турски проекти

April 27, 2023
1 min read

ИСТАНБУЛ (АА) – Рускиот претседател Владимир Путин ја нарече турската нуклеарна централа „Акују“ еден од главните проекти во турско-руските односи, јавува Анадолу.

„Нагласувам дека ова е водечки проект. Тој носи заеднички економски бенефит и, се разбира, помага да се зајакне повеќеслојното партнерство меѓу нашите две држави, кое се заснова на принципите на добрососедство, взаемно почитување и земање предвид на интересите едни со други“, рече Путин за време на обраќањето преку видеолинк на церемонијата по повод првата испорака на нуклеарно гориво на централата.

Истакнувајќи дека Русија и Туркије имаат намера понатамошно унапредување на економските и трговските односи, Путин рече дека Русија сигурно ќе продолжи да ѝ обезбедува на Туркије енергетски ресурси, примарно природен гас.

„Тоа е скап производ денес, чија цена само ќе расте, а Туркије ќе ја ужива предноста со сопствената нуклеарна енергија, а нуклеарната енергија, како што знаете, е една од најевтините“, рече Путин, додавајќи дека Русија најверојатно ќе испорачува помалку природен гас на Туркије откако нуклеарната централа „Акују“ ќе достигне максимален капацитет.

Путин го пофали турскиот претседател Реџеп Таип Ердоган, кој исто така учествуваше на церемонијата преку виртуелна видеоконференција, велејќи дека без него имплементацијата на проектот би била невозможна.

„Како што знаеме, во вакви големи проекти секогаш има одредени административни потешкотии, треба да се надминат некои процедури, и сето тоа беше направено со заеднички напори“, рече тој.

Нуклеарната централа „Акују“, која се очекува да има инсталирана моќност од 4.800 мегавати и четири реактори, треба да започне со производство на електрична енергија кон крајот на оваа година.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS)..

Извор: www.aa.com.tr

MARKETING

MARKETING

Претходно

Кинескиот интернет има преку 66.000 правила

Следно

САД со нови санкции против Русија и Иран поради држење на Американци како заложници

Latest from Blog

Претседателката Сиљановска ги посети повредените од пожарот кои се лекуваат во Софија

Во Софија денеска претседателката Гордана Сиљановска-Давкова ги посети повредените од пожарот во Кочани, кои се лекуваат во болницата „Пирогов“. Во Бугарија вкупно се наоѓаат 14 пациенти, од кои девет се во болницата

Паметник на Пониква и Спомен-парк во Кочани за жртвите во пожарот во дискотеката „Пулс“

Кочанските планинари и активни доброволци-пожарникари Тошо и Стојка Антови, чија ќерка Ивона загина во пожарот со 59 жртви во дискотеката „Пулс“ во Кочани на 16 март, покренаа иницијатива за изградба на меморијален

Средба Мицкоски – Филипче

Средба во владата меѓу премиерот Мицкоски и лидерот на СДСМ Филипче. Изјава даде само Филипче кој вели дека со премиерот имале добар и конструктивен разговор и дека начелно договориле формирање на заеднички

Средба Фидан – Рубио во Брисел

АНКАРА (АА) – Министерот за надворешни работи на Туркије, Хакан Фидан, во Брисел, главниот град на Белгија, се сретна со американскиот државен секретар Марко Рубио, известува Анадолу.​​​​​​​ Турското МНР на својот профил
Go toTop