Украинскиот претседател во објава на Твитер за разговорот со својот кинески колега соопшти дека бил долг и суштински, велејќи дека верува оти повикот ќе даде моќен поттик за развојот на билатералните односи меѓу двете земји. Кина, како што јавуваат тамошните државни медиуми, ќе испрати специјални претставници во Украина и ќе разговара со сите страни за решавање на кризата во Украина. Ова, како што се наведува, му го рекол кинескиот претседател на својот украински колега во разговорот
Украинскиот претседател Володимир Зеленски денеска изјави дека имал „долг и суштински“ телефонски разговор со својот кинески колега Си Ѓинпинг, јавуваат светските медиуми. Станува збор за прв контакт на двајцата државници од почетокот на агресијата на Русија во Украина.
Информацијата за телефонскиот разговор со кинескиот претседател Зеленски ј соопшти во објава на Твитер, во која вели дека верува оти повикот, заедно со назначувањето на амбасадор во Пекинг ќе даде моќен поттик за развојот на билатералните односи меѓу двете земји.
„Имав долг и суштински телефонски разговор со претседателот Си Ѓинпинг. Верувам дека овој повик, како и назначувањето на украинскиот амбасадор во Кина, ќе дадат силен поттик за развојот на нашите билатерални односи“,
напиша Зеленски на својот твитер-профил.
I had a long and meaningful phone call with 🇨🇳 President Xi Jinping. I believe that this call, as well as the appointment of Ukraine’s ambassador to China, will give a powerful impetus to the development of our bilateral relations.
— Володимир Зеленський (@ZelenskyyUa) April 26, 2023
Официјален Пекинг го потврди телефонскиот разговор, посочувајќи дека Кина секогаш стоела на страната на мирот.
Кина, како што јавуваат тамошните државни медиуми, ќе испрати специјални претставници во Украина и ќе разговара со сите страни за решавање на кризата во Украина. Ова, како што се наведува, му го рекол кинескиот претседател на својот украински колега во разговорот.
Покрај тоа, според извештајот на кинеската државна телевизија Си-си-ти-ви (CCTV), Ѓинпинг на Зеленски ми рекол дека Кина ќе се фокусира на промовирање мировни разговори и ќе вложи напори за прекин на огнот што е можно поскоро.
За разлика од Западот, Пекинг се обиде да прикаже неутрален во однос на руската инвазија на Украина. Но, Кина никогаш не ги криеше своите влиски врски со Москва, ниту ја осуди инвазијата, а минатиот месец претседателот Си беше во дводневна посета на Русија, потсетува Би-би-си.
Подготвеноста да разговара со Зеленски, кинескиот претседател ја најави на почетокот на април.
Во меѓувреме, украинскиот претседател постојано барање да се сретне со Ѓинпинг, дури и по посетата на кинескиот лидер на Москва.
Инаку, Кина во февруари годинава објави документ од 12 точки во кој го изрази својот став за конфликтот во Украина и понуди предлози негово надминување.
Сепак, како што потсетуваат светските агенции, некои дипломати сметаат дека овој документ може да послужи како хуман план кој треба да ги поттикне Москва и Киев да разговараат.
Инаку, за време на својата посета на Пекинг, на почетокот на април, претседателот на Франција Емануел Макрон на средбата со француската заедница во Пекинг изјави дека Кина има водечка улога во изнаоѓањето начин за постигнување мир во Украина.
„Кина, со нејзините блиски односи со Русија, кои беа потврдени во последните денови со неодамнешната посета на кинескиот претседател на Москва, може да одигра важна улога во решавањето на конфликтот. Затоа е неопходен дијалог со властите во Пекинг“,
рече Макрон на 5 април.
Извор: 360stepeni.mk
