Украина наскоро може да остане без муниција за противвоздушната одбрана, сугерираат протечените документи на Пентагон

April 10, 2023
2 mins read

Украинските системи „Бук“, на кои се потпира противвоздушната одбрана заедно со С-300 во битката со руските напади од воздух би можеле да наидат на проблеми до средината на април, објави Њујорк Тајмс, а противвоздушната одбрана што ги штити војниците на фронтот може да биде „целосно намалена“ до 23 мај

Додека американските власти се обидуваат да го откријат изворот на протекување на доверливите документи, дел од нив кои датираат од февруари оваа година сугерираат дека украинската противвоздушна обрана може да остане без проектили и муниција во рок од неколку недели, пишуваат Гардијан и Ројтерс.

Илустративна фотографија/Фото: Архива

Еден од документите, со датум од 23 февруари и со степен на класификација „Тајна“, детално прикажува дека украинските системи за воздушна одбрана С-300 од советската ера ќе бидат исцрпени до 2 мај, доколку се продолжи со сегашното темпо на употреба. Засега нема информации дали стапката на користење оттогаш се променила.

Автентичноста на документите на Пентагон не е потврдена. Во соопштение од вчера, Пентагон рече дека ја разгледува валидноста на фотографираните документи кои „се чини дека содржат чувствителен и високо доверлив материјал“.

Украинските системи „Бук“, на кои се потпира противвоздушната одбрана заедно со С-300 во битката со руските напади од воздух би можеле да наидат на проблеми до средината на април, објави Њујорк Тајмс, а противвоздушната одбрана што ги штити војниците на фронтот може да биде „целосно намалена“ до 23 мај.

Руските борбени авиони и бомбардери со тоа ќе добијат поголема можност за напад на украинските сили што би било голем предизвик за Киев, пишува Тајмс, цитирајќи високи воени претставници.

Портпаролот на украинските воздухопловни сили, полковникот Јуриј Игнат, не ги коментира конкретно информациите содржани во документите, но за Вол Стрит Журнал изјави дека Украина се соочува со сериозни предизвици во пронаоѓањето на советската муниција за нејзиниот клучни противвоздушни системи С-300 и „Бук“.

„Ако ја изгубиме битката за небото, последиците за Украина ќе бидат многу сериозни“,

изјави тој за весникот.

Тој ги повика западните сојузници да ја забрзаат својата помош, порачувајќи:

„Ова не е време за одложување“

Инаку, според некои американски официјални претставници, очигледното протекување на доверливи документи на Пентагон можеби е од американски извор.

 „Сега фокусот е на тоа дека протекувањето е од внатре во САД, бидејќи многу од документите беа само во рацете на САД“,

изјави Мајкл Малрој, поранешен висок функционер на Пентагон, во интервју за Ројтерс.

Официјални лица велат дека широчината на темите опфатени во документите, кои се однесуваат на војната во Украина, Кина, Блискиот Исток и Африка, сугерираат дека тие можеби биле објавени од американски извор, а не од некоја сојузничка земја.

Американските власти соопштија дека истрагата е во рана фаза и дека оние што ја водат не ја отфрлаат можноста дека проруски елементи стојат зад протекувањето, што се смета за едно од најсериозните безбедносни нарушувања откако во 2013 година повеќе од 700 000 документи, видеа и дипломатски телеграмите се појавија на веб-страницата на Викиликс.

Руската амбасада во Вашингтон и официјален Кремљ засега не одговорија на барањата за коментар упатени до нив.

Извор: 360stepeni.mk

MARKETING

MARKETING

Претходно

Продажбата на билети за ЕУРО2024 ќе стартува во октомври

Следно

Украина ги менува воените планови по протекувањето на податоците од Пентагон

Latest from Blog

Папата Лав 14ти ја одржа првата миса со порака за враќање на човештината меѓу луѓето

Прв работен ден за папата Лав Четиринаесетти. Поглаварот на римокатоличката црква ја одржа својата прва голема миса. Ја повика католичката црква да се спротистави на недостатокот на вера кај луѓето и предупреди

Мојаноски во Аргумент плус: Очекуваме дека новиот папа ќе продолжи да чекори по стапките на папата Франциск

Универзитетскиот професор Цане Мојаноски во Аргумент плус, рече дека со прифаќањето на името Лав IV, новиот избран папа на некој начин соопштува дека ќе ги афирмира и прифати принципити кои ги имаше

Ердоган со честитки до новиот папа Лав XIV, изрази надеж за заеднички напори за ставање крај на хуманитарните кризи

ИСТАНБУЛ (АА) – Во писмото во кое му го честита изборот на новиот папа Лав XIV, претседателот на Турција, Реџеп Таип Ердоган, изрази надеж за заеднички напори за ставање крај на хуманитарните

Германците стануваат сè покритични кон Израел, покажа најновата анкета

БЕРЛИН (АА) – Германците имаат сè понегативен став за Израел, 60 години по воспоставувањето на билатералните дипломатски односи, покажа новото истражување објавено денес од Фондацијата „Бертелсман“, јавува Анадолу. Извештајот посочува на значителна

Министерот Муцунски во Украина – оддаде почит на украинските херои, ќе се формира Специјален трибунал за злосторствата врз Украина

Министерот за надворешни работи Тимчо Муцунски, престојува во еднодневна посета на Украина, на покана на неговиот украински колега Андриј Сибига. Муцунски учествуваше на Министерскиот состанок на основната група за формирање на Специјалниот
Go toTop