„Нè оставаат без вода“: Жителите на Шупли Камен протестираат поради експлоатацијата на песок во Пчиња

October 3, 2026
1 min read

Жители на кумановското село Шупли Камен излегоа на мирен протест поради, како што велат, експлоатацијата на песок од речното корито на Пчиња. Мештаните тврдат дека со ископите коритото е оштетено и продлабочено, а стравуваат дека тоа може да влијае врз нивото на водата во бунарите и наводнувањето на нивите.

„Ни узурпираат реката. Експлоатација вршат по реката и нè оставаат без вода“, порачаа дел од жителите.

Според мештаните, последиците од ископите веќе се чувствуваат. Тие велат дека нивото на водата во бунарите се намалува, а проблеми има и со наводнувањето на земјоделските површини.

Жителите предупредуваат и на ризици за безбедноста на населението. Тие посочуваат дека на одредени места коритото е длабоко повеќе од пет метри и тврдат дека во минатото имало несакани настани.

„Животите ни се загрозени. Се работи за човечки животи. Тука се губат човечки животи. Опасно за живеење веќе станало покрај реката и затоа се собравме тука на мирен протест“, изјавија мештани.

Во Шупли Камен има околу 200 куќи, а жителите стравуваат дека дополнителното продлабочување на речното корито би можело да доведе до повлекување на подземните води.

„Ако црпат уште еден-два метри и го намалат нивото на речното корито, по автоматизам водата ќе се повлече од бунарите што се направени овде и ќе снемаме цело село вода“, предупредуваат тие.

Мештаните велат дека во селото нема потреба од дополнително уредување на речното корито и потсетуваат дека експлоатација имало и во минатото. Тие наведуваат и дека во 2019 година била издадена забрана за работа.

На терен излегол Државниот инспекторат за животна средина. Оттаму потврдиле дека операторот поседува дозвола од Министерството за уредување на речното корито.

„Операторот има дозвола, носител е Водостопанство, а тие имаат предадено на приватен стопанственик да ја работи делницата. Тука сме да ги заштитиме граѓаните доколку има непочитување. Во моментов утврдуваме дека има дозвола и од наша страна не се утврдени неправилности“, изјавиле од Инспекторатот.

Жителите најавија дека ќе продолжат со блокадата сè додека, како што велат, нивниот проблем не биде разгледан и не се најде решение за состојбата со речното корито на Пчиња.

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

„Тајм“: Трамп го прашал „Грок“ што би се случило ако го уапси Мадуро

Следно

Зидан по ремито со Италија: Нема да влегувам во детали за тоа кој е виновен

Latest from Blog

Тоневски: Пробиштип со подобри услови за итни медицински интервенции

Две нови, современо опремени амбулантни возила пристигнаа во ЈЗУ Здравствен дом „Нада Михајлова“ во Пробиштип, информира градоначалникот Тони Тоневски. Според него, возилата ќе придонесат за подобри услови за работа на службата за

Николоски: Инвестираме меѓу 5 и 6 милијарди евра во коридорите 8 и 10, Македонија ќе стане вистинска крстосница на Балканот

Заменик-претседателот на Владата и министер за транспорт, Александар Николоски, денеска се обрати на 23. Виенски економски форум, каде што ја истакна важноста на регионалната економска соработка, заедничкиот настап на европскиот пазар и

Критичните суровини стануваат европски приоритет, потребни се нови инвестиции и модерно рударство

Европската Унија ја засилува финансиската поддршка за обезбедување критични суровини, препознавајќи ги како основа за идниот индустриски, енергетски и безбедносен развој на континентот. Како дел од измените на буџетот за периодот 2028–2034

Николоски во Виена: Економската соработка и стратешките инфраструктурни проекти во фокусот на 23. Виенски економски форум

Заменик претседателот на Владата, Александар Николоски e во работа посета на Виена, Австрија, каде учествува на 23-от Виенски економски форум. Оваа година Виенскиот економски форум се реализира под мотото “ Виенски дијалог

Проданоски: Граѓани и волонтери се обединија во акција за позелен Прилеп

Околу 500 садници беа засадени во близина на манастирот „Св. Димитриј“ кај прилепското село Селце, во акција организирана од Здружението „Сина револуција“, со поддршка од компанијата „Бехтел ЕНКА“. Во акцијата, организирана по
Go toTop