Централната изборна комисија (ЦИК) на Русија ги соопшти конечните резултати од изборите за Државната дума од деветтиот сазив, на кои гласале повеќе од 59,8 отсто од избирачите, односно 67.448.094 граѓани, јавуваат руските медиуми.
Претседателката на ЦИК, Ела Памфилова, изјави дека тоа е најголема излезност во последните три парламентарни изборни циклуси, пренесува „РИА Новости“.
Според конечните резултати, владејачката партија „Единствена Русија“ освои 349 мандати, Комунистичката партија на Руската Федерација (КПРФ) 37, Либерално-демократската партија на Русија (ЛДПР) 23, „Нови луѓе“ 19, „Праведна Русија“ 17, додека партијата „Родина“ освои еден мандат.
Извор: vecer.mk
