Тетово избира нови имиња на улици, списокот вклучува над 60 албански, македонски и меѓународни личности
По 165 дена без состанок, Комисијата за именување на улици во Тетово вчера го одржа својот прв состанок, каде што беа избрани над 60 имиња за тетовските улици.
Според претседателот на комисијата, имињата на улиците во Тетово ќе ја покажат етничката реалност, додека избраните имиња се на личности кои придонеле за албанската и Mакедонската нација, како и меѓународни имиња.
„Улиците на Тетово треба да го одразуваат целосниот идентитет на градот, неговата историја, култура и мултиетнички карактер. Тие содржат големи личности од албанската историја и нација, како што се Ѓерѓ Кастриоти Скендербег, Наими, Самиу, Абдил Фрашери, Гонџе Бојаџиу – Мајка Тереза, итн.
Вклучени се и личности кои оставиле неизбришливи траги во културниот, образовниот и спортскиот живот на Тетово, како што се Мурат Исаку и Абдилазиз Ислами, диригентот Бани Јаја, фудбалерот Хачим Мемети.
Вклучивме и најголемите имиња на албанската култура: Исмаил Кадаре, Миѓен, Беким Фехмиу.
Исто така, улиците каде што живеат нашите македонски сограѓани повеќе нема да носат југословенски имиња, туку имиња на личности од македонскиот историја и култура, како што се Крсте Петков Мисирков, режисерот Бранко Гапо и скулпторката Борка Аврамова, итн.“.
Извор: zurnal.mk
