Проданоски: Отворен Центар за дневен престој на стари лица во Прилеп

June 30, 2026
1 min read

Во Прилеп денеска и официјално беше пуштен во употреба Центарот за дневен престој на стари лица за активно стареење, кој ќе обезбедува грижа, поддршка, социјализација и различни активности за повозрасните граѓани.

Градоначалникот на Општина Прилеп, Дејан Проданоски, истакна дека станува збор за значаен проект кој претставува уште еден чекор кон развој на современи, достапни и квалитетни социјални услуги.

 

„Нашата цел беше да создадеме место каде што повозрасните лица нема да бидат изолирани, туку ќе имаат можност активно да го исполнуваат своето секојдневие преку дружење, социјализација, едукативни, културни и рекреативни активности, како и психосоцијална поддршка и грижа од стручен тим“, порача Проданоски.

Тој нагласи дека Центарот нема да биде наменет само за жителите на Прилеп, туку услугите ќе бидат достапни и за повозрасните лица од општините Кривогаштани и Долнени, што, како што рече, претставува пример за успешна меѓуопштинска соработка.

Центарот располага со капацитет за најмногу 48 корисници, а заинтересираните граѓани ќе можат да аплицираат преку Центарот за социјални работи – Прилеп.

Проданоски упати благодарност до Министерството за социјална политика, демографија и млади, Светска банка, Центарот за развој и едукација – Прилеп, Меѓуопштинскиот центар за социјални работи – Прилеп, како и до општините Кривогаштани и Долнени и сите институции и лица кои учествувале во реализацијата на проектот.

Тој посочи дека Општина Прилеп, покрај обезбедувањето на просторот и улогата на домаќин на проектот, учествувала и со сопствено кофинансирање, нагласувајќи дека инвестицијата во луѓето е највредната инвестиција.

„Нашите повозрасни сограѓани заслужуваат внимание, грижа и достоинствен живот, затоа што токму тие ги поставија темелите врз кои денес го градиме нашето општество“, истакна Проданоски, посакувајќи Центарот успешно да им служи на граѓаните уште многу години.

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Општинскиот штаб во Прилеп ги активира мерките за превенција од пожари

Следно

Претседателот Гаши на 67. Генерално собрание на ПАБСЕК во Тбилиси

Latest from Blog

Николоски: Ниските даноци и пристапот до европскиот пазар се предност за јапонските компании

Македонија нуди најдобри и најконкуретни услови за инвестирање во целиот регион. Имаме континуиран раст на БДП, раст на индустријата и единаесет квартали раст во градежништвото. Исто така, даночната политика е најповолна бидејќи

Не дозволувајте да изгубите пари при откупот: СЕКЕ со важни совети за правилно пакување на тутунот

Со почетокот на сезоната за откуп на тутунот, компанијата СЕКЕ упати важни препораки до тутунопроизводителите за правилно пакување и чување на произведениот тутун, со цел да се зачува неговиот квалитет и да

Проданоски: Буџетот за 2027 година го креираме со предлозите на прилепчани

Општина Прилеп ги заврши средбите со сите урбани заедници во градот во рамките на консултациите за подготовка на Буџетот за 2027 година. Градоначалникот Дејан Проданоски најави дека процесот продолжува со средби со

Николоски: Од 1 јануари само Државната лотарија ќе може да организира онлајн игри на среќа

Владата го измени Законот за игри на среќа, со кој јасно се ограничува организирањето на игри на среќа. Само Државната Лотарија ќе може да организира игри на среќа, дополнително се воведе ограничување

Божиновска: По три децении зависност од еден гасен правец, Македонија работи на нови врски со соседите

Македонија три децении зависела од само еден правец за снабдување со природен гас, а новите поврзувања со соседите треба да ја намалат таа зависност, порача министерката за енергетика, рударство и минерални суровини,
Go toTop