Инспектори се во битолската болница, директорот е на пат за Скопје да реферира за случајот со шестгодишната Јана

March 24, 2023
1 min read

Веќе е почнат вонреден надзор за тоа што се случило во Битола, директорот е веќе на пат за Скопје каде што ќе има состанок со министерот и заменик-министерката за здравство, вели премиерот Ковачевски

За случајот постапува и обвинителството, но оттаму велат дека сè уште не е утврдена причината за смртта на девојчето

Инспектори од Државниот санитарен и здравствен инспекторат и јавен обвинител постапуваат во случајот со смртта на шестгодишната Јана во болницата во Битола. Директорот на болницата Александар Обедниковски, пак, е на пат за Скопје каде што треба да се сретне со министерот за здравство Фатмир Меџити и неговата заменичка Маја Манолева.

Димитар Ковачевски, премиер

„Разговаравме и вчера и утрово со министерот, тука е и директорката на Државниот санитарен и здравствен инспекторат, веќе е почнат вонреден надзор за тоа што се случило во Битола, директорот е веќе на пат за Скопје каде што ќе има состанок со министерот и заменичката, а информирано е и јавното обвинителство. Сите детали, откако ќе ги имаат, ќе бидат споделени со јавноста. Тие треба да се врз основа на факти, да се утврди објективната состојба и врз основа на нив да се направат соодветни санкции таму каде што ќе биде потребно“,

рече денеска премиерот Димитар Ковачевски.

Министерот Меџити, исто така, нагласи дека инспекциските служби се на терен и ќе ја информираат јавноста откако ќе има информации.

Фатмир Меџити, министер за здравство

Со директорот на болницата разговарал веќе и телефонски, а со семејството на Јана сè уште не, но вели дека тоа ќе го направат откако прво ќе видат што ќе покаже инспекцијата.

За случајот уште вчера имаше информации дека е извесен јавен обвинител и телото е дадено на обдукција, но засега нема повеќе информации.

„Основното јавно обвинителство Битола издава наредби и насоки за да се извршат сите неопходни проверки. Причината за смртта на девојчето сè уште не е утврдена“,

велат од обвинителството.

Според информациите што досега излегоа во јавноста, шестгодишната Јана почина во болницата откако била примена со симптоми на настинка. Нејзиниот татко вчера во медиумите раскажа дека на детето му бил измерен покачен шеќер во крвта со вредност 9, но во болницата ѝ дале инфузија со гликоза.

ИЗВОР: 360stepeni.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Холандската централна банка го пријави првиот минус од 1931

Следно

САД: Драматичен пораст на антисемитизмот во 2022 година

Latest from Blog

„Охридско лето“ со незаборавна музичка вечер: Полските виртуози ја воодушевија публиката во Скопје

Националната установа „Охридско лето“ продолжува да ја збогатува културната понуда и надвор од редовната фестивалска сезона, приредувајќи уште една впечатлива концертна вечер во Камерната сала на Македонската филхармонија во Скопје. Виртуозниот полски

Николоски: Стратешкото партнерство со САД е силно, инфраструктурните проекти се реализираат со одлична динамика

Заменик претседателот на Владата и министер за транспорт, Александар Николоски денеска оствари работна средба со Никол Варнс, вршител на должноста амбасадор на САД во земјава.  На средбата беше потврдена посветеноста на стратешкото

Коњановски: Младинско катче и кариерен центар за учениците во битолското економско училиште

Учениците во СОЕУ „Јане Сандански“ во Битола добија младинско катче и кариерен центар. Просторот го уредиле самите ученици со поддршка од нивниот професор и координатор Целе Јолевски, а на свеченото отворање присуствуваше

Николоски: Ниските даноци и пристапот до европскиот пазар се предност за јапонските компании

Македонија нуди најдобри и најконкуретни услови за инвестирање во целиот регион. Имаме континуиран раст на БДП, раст на индустријата и единаесет квартали раст во градежништвото. Исто така, даночната политика е најповолна бидејќи
Go toTop