Screenshot

Пресврт во случајот „Пулс“: Лиценцата од 2012 е издадена за друг објект, покажуваат доказите

June 25, 2026
1 min read

На денешното рочиште за случајот „Пулс“, Јавното обвинителство продолжи со изведување на докази кои се однесуваат на постапките во Министерството за економија и Државниот пазарен инспекторат.

Пред судот беа презентирани записници, барања, правилници, известувања и друга документација за периодот од 2012 до 2025 година. Во текот на доказната постапка, одбраната побара да бидат прочитани членовите 20 и 21 од Законот за угостителска дејност, како и документите кои согласно закон се задолжителни за добивање лиценца за вршење угостителска дејност.

Од презентираните докази произлезе дека по првото барање поднесено во 2012 година, Министерството за економија донело решение за одбивање на издавање лиценца. Во рамки на второто барање, кое се однесувало на објект на улицата „Димитар Влахов“ и на правното лице „Класик ДМ“ за вршење дејност кабаре, тогашниот раководител на Секторот за туризам во Министерството за економија, Зоран Николовски, побарал од Државниот пазарен инспекторат да изврши теренска контрола и во законски предвидениот рок да достави известување до Министерството.

По спроведениот инспекциски надзор и доставениот извештај и записник, во кои инспекторот констатирал дека објектот ги исполнува минимално-техничките услови, Министерството за економија, согласно законските одредби, издало лиценца за вршење угостителска дејност – кабаре, на правното лице „Класик ДМ“, за објектот на улицата „Димитар Влахов“, со важност од една година.

Во текот на рочиштето беше посочено дека лиценцата издадена во 2012 година не се однесува на објектот во кој 13 години подоцна се случи трагичниот настан што е предмет на кривично-правната постапка.

Според презентираната документација, било констатирано и дека објектот лоциран на улица „Димитар Влахов“ бб во Кочани, за кој е издадена Лиценца бр. 13-9787/3 од 13 декември 2012 година за вршење угостителска дејност – кабаре „Пулс“, не е ист со објектот лоциран на улица „Крижевска“ бр. 2 во Кочани.

На денешното рочиште беа презентирани и лиценци издадени во периодот од 2012 до 2024 година од страна на четворица министри за економија, како дел од доказната постапка во предметот.

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Еве колку заработи БиХ за пласман во нокаут фазата на Мундијалот

Следно

Станарите од „Васко Карангелески“ покажаа како се гради култура за селекција на отпад

Latest from Blog

Проданоски: Буџетот за 2027 година го креираме со предлозите на прилепчани

Општина Прилеп ги заврши средбите со сите урбани заедници во градот во рамките на консултациите за подготовка на Буџетот за 2027 година. Градоначалникот Дејан Проданоски најави дека процесот продолжува со средби со

Николоски: Од 1 јануари само Државната лотарија ќе може да организира онлајн игри на среќа

Владата го измени Законот за игри на среќа, со кој јасно се ограничува организирањето на игри на среќа. Само Државната Лотарија ќе може да организира игри на среќа, дополнително се воведе ограничување

Божиновска: По три децении зависност од еден гасен правец, Македонија работи на нови врски со соседите

Македонија три децении зависела од само еден правец за снабдување со природен гас, а новите поврзувања со соседите треба да ја намалат таа зависност, порача министерката за енергетика, рударство и минерални суровини,

Битола не ги заборава своите херои: Одбележана 82-годишнината од формирањето на Првата егејска македонска ударна бригада

Во Битола свечено беше одбележана 82-годишнината од формирањето на Првата егејска македонска ударна бригада, со положување свежо цвеќе, оддавање почит и пригодна културно-уметничка програма. Одбележувањето се одржа пред спомен-плочата кај Територијалната противпожарна

Божиновска: Гасните врски со Грција и Србија се приоритет за посигурно снабдување

Гасните интерконектори со Грција и Србија, Вертикалниот гасен коридор и повторното ставање во функција на продуктоводот Солун–Скопје се меѓу проектите со кои Македонија работи на посигурно снабдување со енергија. Ова го истакна
Go toTop