Бугарското МНР негира дека дистрибуирало дипломатска нота во врска со посетата на семејството на Мицкоски

June 25, 2026
1 min read

Бугарското Министерство за надворешни работи негираше дека дистрибуирало дипломатска нота поврзана со посетата на Бугарија на семејството на премиерот, Христијан Мицкоски, објавија бугарските медиуми.

„Министерството за надворешни работи не дистрибуираше дипломатска нота или друга официјална кореспонденција поврзана со посетата на Бугарија на членови на семејството на официјален претставник на друга земја“, соопшти дипломатскиот оддел.

„Информациите што циркулираат во јавноста во последните денови се однесуваат на вербална нота од 6 јануари 2026 година и се однесуваат на настани од далечното минато. Во моментов, оваа информација не може да се сфати како основа за заклучоци дека постои непосредна закана за безбедноста на граѓаните на Бугарија или друга земја. Министерството за надворешни работи придава големо значење на заштитата на дипломатската кореспонденција и строго ги почитува утврдените меѓународни правила и практики во оваа област“, ​​велат од министерството.

Во меѓувреме, бугарскиот амбасадор беше повикан во Министерството за надворешни работи во Скопјe поради јавното објавување на дипломатска нота што содржеше информации за членови на семејството на Мицкоски кои го посетиле Пампорово.

Министерот за надворешни работи, Тимчо Муцунски, го оцени случајот како неприфатлив во односите меѓу двете земји и побара извинување и брза реакција од бугарските институции. Тој нагласи дека семејствата на странските функционери често престојуваат во Северна Македонија, но досега немало случај таков документ да биде објавен.

Во дипломатскиот документ, објавен од групата „Грубовци, Ениџе Вардар – родна Македонија“, покрај датумот на патувањето, е наведено приближното време кога сопругата и помалиот син на Мицкоски ќе ја преминат границата меѓу Македонија и Бугарија, како и детали за нивното обезбедување – имињата на неговите членови, возилата со кои патуваат, комуникациските уреди и вооружувањето што го носат со себе.

За случајот, Мицкоски рече дека веќе ги информирал партнерите на Македонија во НАТО бидејќи со објавувањето на дипломатската нота, како што кажа, се загрозува безбедноста на неговото семејство.

Извор: zurnal.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Босна славеше против Катар и со една нога е во следната рунда, Швајцарија заврши прва во групата (ВИДЕО)

Следно

СЛУЧАЈНОСТ ИЛИ НЕШТО ПООПАСНО? Силни потреси во три различни делови од светот

Latest from Blog

Николоски: Ќе се реконструира целиот пат од Валандово до Струмица преку Валандовско Брдо

Со комбинирана владина поддршка во инфраструкутрата, земјоделството и туризмот, правиме развој на општина Валандово. Предвидовме финансиска поддршка од околу 100 милиони денари, од кои 65 милиони денари се директно од буџетот на

Рударството е ‘рбетот на суверенитетот“: Бугарија се фали со ново наоѓалиште на бакар, Македонија го остава неискористен потенцијалот на Иловица

Додека Бугарија објавува ново значајно златно-бакарно откритие во близина на рудникот Челопеч, во Северна Македонија и натаму останува неискористен потенцијалот на веќе истражениот проект „Иловица – Штука“. Лабораториските анализи на новото бугарско

„Охридско лето“ со незаборавна музичка вечер: Полските виртуози ја воодушевија публиката во Скопје

Националната установа „Охридско лето“ продолжува да ја збогатува културната понуда и надвор од редовната фестивалска сезона, приредувајќи уште една впечатлива концертна вечер во Камерната сала на Македонската филхармонија во Скопје. Виртуозниот полски

Николоски: Стратешкото партнерство со САД е силно, инфраструктурните проекти се реализираат со одлична динамика

Заменик претседателот на Владата и министер за транспорт, Александар Николоски денеска оствари работна средба со Никол Варнс, вршител на должноста амбасадор на САД во земјава.  На средбата беше потврдена посветеноста на стратешкото
Go toTop