И дефинитивно Челзи и Чаби Алонсо се поблиску до договор. Еден од порелевантните англиски весници – „Гардијан“, објави дека играчите на Челзи се возбудени околу идејата да соработуваат со Чаби Алонсо и дека се едногласни околу неговото назначување.
Од многуте кандидати поврзани со Челзи во последните недели, соблекувалната верува дека Шпанецот е најдоброто решение, но тоа не е сè.
Сигурни извори пишуваат дека преговорите одат во вистинската насока, дека челниците на Челзи се во директен контакт со агентите на Чаби и дека договорот е блиску.
Исто така, се шпекулира дека Чаби Алонсо би можел да биде назначен пред крајот на сезоната, по финалето на ФА Купот во кое Челзи се среќава со Манчестер Сити во сабота.
Секако, ова не значи дека Чаби Алонсо веднаш ќе го преземе тимот, туку дека Челзи сакал да ја покаже својата решителност пред следната сезона и дека Шпанецот има доволно време да ги подготви своите идеи пред летните подготовки.
Наводно, тој ќе добие и значително поголеми овластувања кога станува збор за трансфер на политиката, бидејќи ова бил еден од неговите клучни услови.
Тој побара одредени гаранции, Челзи е поотворен од порано, бидејќи клубот е свесен за претходните грешки и дека по Енцо Мареска и Лиам Росениор, повеќе немаат право да прават грешка при изборот на нов менаџер.
Познато е дека приоритет на Чаби Алонсо беше Ливерпул, но веќе некое време воопшто не се споменуваше, поточно, не се споменуваше дека Арне Слот ќе биде отпуштен.
Извор: vecer.mk
