Откако дозна дека е драконски казнет со 500.000 евра по тепачката со Федерико Валверде, се огласи и Аурелион Чуамени. Имено е познато дека во средата и четвртокот овие двајца биле вклучени во тепачки на тренинзите на Реал, по што Уругваецот заврши во болница на шиење.
Еве што во јавното извинување кажа Французунот:
„Она што се случи оваа недела на тренинг е неприфатливо. Го кажувам ова со пример што мора да им го дадеме на младите луѓе, без разлика дали во фудбалот или во училиштето. Без разлика кој е во право или не, секогаш треба да бараме најмирен начин за решавање на конфликтите“, рече Чуамени.
„Пред сè, ми е жал за сликата што ја создадовме за клубот. Знам дека навивачите, персоналот, моите соиграчи и управата се длабоко разочарани од исходот од оваа сезона. Но, фрустрацијата не може да биде изговор за сè“, рече тој, додавајќи дека ваквите испади не се соодветни за клуб како Реал Мадрид.
„Овие инциденти, дури и ако може да се случат во која било соблекувална, не се достојни за Реал Мадрид. Особено затоа што Реал Мадрид е најзборуваниот клуб во светот.“
„Сега не е време да се утврди кој направил или рекол што, ниту кој бил во право. Ја признавам санкцијата на клубот и ја прифаќам“, рече францускиот играч од средниот ред.
„Остануваме семејство, понекогаш има несогласувања, но секогаш мора да ги ставаме нашите цели пред сè друго. Му се извинив на тимот, а исто така сакам да им се извинам и на сите Мадридисти.“
Извор: vecer.mk
