Ministri i vendit për ambientin, Muhamet Hoxha, tha se ka biseduar në Vjenë me homologun e tij austriak për mundësitë e bashkëpunimit dy palësh në ambient dhe investime kapitale.
Në kuadër të vizitës zyrtare në Austri, u takova me ministrin austriak të Mjedisit, Norbert Totschnig, ka informuar Hoxha.
“Tema e bisedës sonë ishin hapat konkretë që po ndërmarrim në procesin e transformimit të gjelbër të mjedisit.
U dakorduam se ekziston potencial i konsiderueshëm për zgjerimin e mëtejshëm të bashkëpunimit ndërmjet dy vendeve, veçanërisht në fushën e investimeve kapitale,” ka shkruar Hoxha përmes Facebook.
“Përvojat austriake në mbrojtjen e natyrës dhe menaxhimin e ujërave dhe mbetjeve janë një model që mund ta zbatojmë drejtpërdrejt,” shtoi ai, duke shpresuar në forcim të bashkëpunimit me Austrinë në arritjen e standardeve “evropiane në mbrojtjen e mjedisit” në vend.
Burimi: botasot.info
