Трката за наследник на Антонио Гутереш во Обединетите нации влегува во клучна фаза со пријавувањето на првите четворица кандидати. Оваа недела тие ќе бидат јавно интервјуирани, што претставува ретка практика во историјата на организацијата – ова е само вторпат ОН да спроведуваат ваков тип јавно соочување со кандидатите пред официјалното именување.
Иако конечниот збор традиционално го имаат петте постојани членки на Советот за безбедност со право на вето (САД, Кина, Русија, Велика Британија и Франција), меѓународниот притисок за промени е голем. Многу држави јавно лобираат на челото на ОН конечно да застане жена, додека земјите од Латинска Америка инсистираат на почитување на принципот на географска ротација, барајќи нивен претставник да ја преземе највисоката дипломатска функција во светот.
Извор: vecer.mk
