Градоначалникот на Прилеп повика на поширока дебата за бездомните кучиња

March 13, 2026
1 min read

Градоначалникот на Прилеп, Дејан Проданоски, повика на поширока јавна дебата за справување со проблемот со кучињата скитници, откако на денешната седница на Советот на Општина Прилеп се дискутираше за предлогот за утврдување надоместок на штета од каснување од бездомни кучиња и упатството за начинот и правилата за негово утврдување и исплата.

Проданоски истакна дека предложениот правилник и упатство можеби претставуваат само почетен чекор, но дека од некаде мора да се започне за да се види дали мерките ќе дадат резултати во решавањето на долгогодишниот проблем.

„Општина Прилеп, следејќи ги примерите од други општини, може да преземе одредени чекори за намалување на финансиските трошоци кои се создаваат по основ на надоместок на штета од каснување од кучиња скитници. Но, за жал, проблемот не може системски да се реши само на локално ниво“, нагласи Проданоски.

Тој посочи дека станува збор за наследен проблем кој со години се продлабочува и дека е потребно да се отвори поширока дебата, па дури и да се размислува за евентуални измени на законската регулатива.

Според неговите информации, во Прилеп има приближно околу 1.000 кучиња скитници, а третманот по едно куче, кој вклучува заловување, стерилизација и третман, чини околу 4.000 денари. Општината, како што истакна, нема доволно капацитети во ист период да ги залови и третира сите кучиња.

Градоначалникот упати и апел до граѓаните и сопствениците на миленици да не ги напуштаат животните.

„Апелирам до сите оние кои речиси секојдневно носат кучиња со камиони и ги оставаат во градот – да не го прават тоа. Потребно е сопствениците да се грижат за своите миленици, а не да ги напуштаат кога повеќе не сакаат да се грижат за нив“, порача Проданоски.

Тој го отвори и прашањето за ефективноста на законските решенија, посочувајќи дека според важечките прописи, доколку кучињата се заловат и се сместат во стационар, по 15 дена тие повторно се враќаат на местото каде што биле заловени.

„Што би постигнале во тие 15 дена и дали на тој начин навистина ќе го решиме проблемот?“, праша Проданоски.

Градоначалникот најави отворање јавна дебата со граѓаните за идните чекори. Според него, дел од јавноста смета дека решението е во похуман пристап – стерилизација и вдомување, додека други бараат построги мерки поради безбедноста на граѓаните.

„Прашањето е јасно: дали средствата од Буџетот да ги вложиме во изградба на поголем или уште еден стационар за кучиња скитници и нивна стерилизација, или пак тие средства да се насочат кон подобрување на инфраструктурата во градот“, истакна Проданоски.

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Javën tjetër Kuvendi do të votojë për zgjedhjen e kryeprokurorit të ri

Следно

Коњановски: Нови спортски терени за учениците во Горно Оризари

Latest from Blog

„Булмак 2016“ со четиригодишен проект за развој на детскиот спорт во Пробиштип

Спортот има клучна улога во правилниот психофизички развој на секое дете. Преку иницијативата Кошарка за секое дете во Пробиштип веќе се создаваат нови можности за најмладите да спортуваат бесплатно и да градат

Тоневски: Четвртоодделенците од „Никола Карев“ поставуваа прашања за работата на Општина Пробиштип

Ученици од четврто одделение при ООУ „Никола Карев“ ја посетија Општина Пробиштип и одблизу се запознаа со работата на градоначалникот, општинската администрација и надлежностите на локалната самоуправа. Во разговорот со градоначалникот Тони

МЕПСО инвестира во иднината на енергетиката: Се подготвува зајакнување на мрежата во југоисточниот регион

АД МЕПСО продолжува со реализацијата на стратешките активности за модернизација на електроенергетската инфраструктура во Македонија. Денеска генералниот директор на компанијата, доц. д-р Бурим Љатифи, потпиша договор со Никола Битрак, извршен директор на

Проданоски: Обезбедивме 10 телевизори за собите во Домот „Киро Крстески – Платник“

За собите во Домот за стари лица „Киро Крстески – Платник“ во Прилеп се обезбедени 10 нови телевизори во соработка со Тутунскиот комбинат АД Прилеп, соопшти градоначалникот Дејан Проданоски по посетата на

Коњановски: Битола и Турција ќе ја продлабочуваат соработката во економијата, културата и туризмот

Градоначалникот на Битола, Тони Коњановски, денеска се сретна со новиот турски амбасадор во Македонија, Алпер Акташ. Во фокусот на разговорот беа можностите за продлабочување на соработката во економијата, културата и туризмот. Коњановски
Go toTop