„Во Општина Бутел многу скоро се очекуваат убави вести“. Вака напиша на својата официјална Фејсбук страница градоначалникот на Општина Бутел, Дарко Костовски, најавувајќи нови инфраструктурни проекти за оваа општина.
Според Костовски, проектите се подготвуваат во соработка со градоначалникот на Град Скопје, Орце Ѓорѓиевски, кого го оцени како вистински партнер на општината.
Тој информираше дека станува збор за капитални и клучни проекти за развојот на Бутел, со вкупна вредност од околу 5 милиони евра.
Костовски истакна дека Општина Бутел никогаш досега немала поголем партнер во Град Скопје, додавајќи дека соработката со градската администрација ќе донесе значајни инвестиции за граѓаните на оваа општина.
