Битола уште еднаш ја потврди својата спортска традиција, откако по 62-ри пат се одржа манифестацијата „Избор на најдобрите спортисти и екипи на Битола за 2025 година“.
На свеченоста присутните ги поздравија претседателот на Општинскиот сојуз на спортови Сашко Павловски, градоначалникот Тони Коњановски и претставникот на Министерството за спорт и млади Илија Ристевски.
Градоначалникот Коњановски порача дека локалната самоуправа ќе продолжи со инвестиции во спортската инфраструктура, најавувајќи изградба на мултифункционален спортски комплекс, атлетска патека и борилиште на стадионот „Петар Милошевски“, центар за спорт и рекреација, реконструкција на спортската сала во Бистрица и нови училишни спортски сали и игралишта.
Најуспешни екипи
Во конкуренција на сениорски екипи:
РК „Еурофарм Пелистер“ – прво место КК „Пелистер“ – второ место
„Пелистер Волеј“ и ППК „Пелагонија“ – трето место
Беа доделени и пехари за „4-то Ноемвриската трка“, награди за најуспешни училишта во спортот, како и признанија за млади спортисти, младински екипи и спортски јубилеи.
Најдобри спортисти на Битола
Во изборот на десетте најдобри спортисти за 2025 година, врвот им припадна на:
Филип Кузмановски (РК „Еурофарм Пелистер“)
Ален Рустемовски (БК „Пелистерски јунак“)
Никола Митревски (РК „Еурофарм Пелистер“)
Леа Бошевска (Кик бокс клуб „Самурај“)
Плакета беше доделена и на семејството на Зоран Петковски за посебен придонес.
Наградите ги врачија претставници од Општината, Сојузот на спортови, Министерството за спорт и Советот на Општина Битола.
Со оваа манифестација, Битола уште еднаш го потврди статусот на еден од најспортските градови во државата.
