Градоначалникот на Општина Чаир и еден од лидерите на ВЛЕН, Изет Меџити, присуствуваше на свечениот прием организиран од Амбасадата на Република Косово во Северна Македонија, по повод 18-годишнината од независноста на Косово.
На настанот, кој се одржа под покровителство на амбасадорот Флоријан Чехаја, беше одбележан 17 февруари – датум што се смета за еден од најзначајните во современата историја на Косово.
Меџити истакна дека овој ден претставува симбол на жртвата, посветеноста и одлучноста на народот за слобода и независност.
„17 февруари останува ден на сеќавање за сите напори и жртви кои доведоа до создавање на независна држава. Со почит и гордост посакувам Косово да продолжи да се развива, да ги зајакнува институциите и да гради сигурна иднина за своите граѓани“, порача Меџити.
Тој упати честитка до граѓаните на Косово по повод 18-годишнината од независноста, нагласувајќи дека стабилноста и напредокот на Косово се важни за целиот регион.
