Отпуштањето на Томас Франк по само осум месеци на чело на Тотенхем стана исклучително скап потфат за лондонскиот клуб. Данскиот тренер ќе добие висока отштета од 8 милиони фунти (9,2 милиони евра), а според медиумите во неговата татковина, тој не планира да бара нов тим до крајот на оваа сезона.
Според данскиот печат, исплатената отштета е еквивалентна на едногодишната плата на Франк, иако тој отслужил само осум месеци од неговиот тригодишен договор. Неговиот престој во Тотенхем се покажа како исклучително скап, при што вкупните трошоци за клубот надминуваат 26 милиони евра. Оваа сума вклучува:
-11,5 милиони евра платени на Брентфорд за да го привлече.
-9,2 милиони евра отштета за предвремено раскинување на договорот.
-месечна плата од околу 750 илјади евра.
Одлуката за отпуштање на Франк дојде во среда, помалку од 12 часа по поразот од Њукасл на домашен терен со 1-2. Под негово водство, тимот падна на 16-то место во Премиер лигата, само пет бода над зоната за испаѓање. Црната серија од само две победи во последните 17 натпревари се покажа како одлучувачка за судбината на тренерот.
Извор: vecer.mk
