Американскиот потпретседател Џ.Д. Венс и неговата сопруга Уша Венс објавија добри вести. Имено, двојката го очекува своето четврто дете, а во оваа пригода се огласија на мрежите.
Американскиот потпретседател Џ.Д. Венс и неговата сопруга Уша Венс ја споделија добрата вест на Инстаграм. Тие истакнаа дека Уша се чувствува добро, а дека и бебето напредува добро.
Покрај тоа, тие го открија и полот на детето – двојката очекува син, а сопругата на американскиот потпретседател треба да се породи кон крајот на јули.
„Многу сме возбудени што ја споделуваме веста дека Уша е бремена со нашето четврто дете, момче. Уша и бебето се добро и сите со нетрпение очекуваме да го пречекаме кон крајот на јули“, се вели во објавата.
„Во ова возбудливо и зафатено време, сме особено благодарни на воените медицински лица кои се грижат за нашето семејство, како и на членовите на персоналот кои работат толку напорно за да ни овозможат да ѝ служиме на нашата земја, додека уживаме во прекрасен живот со нашите деца.“
Двојката веќе има три деца – осумгодишниот Еван, петгодишниот Вивек и четиригодишната Мирабел.
Извор: vecer.mk
