Каква сензација во Купот на Кралот приреди второлигашот Албасете. Катастрофалниот Реал Мадрид повторно се посрамоти и доживеа неочекуван пораз од 3:2 во осминафиналето против екипата од истокот на Шпанија.
Дебито на Алваро Арбелоа на тренерската позиција на „кралскиот клуб“ го одбележа бледа и неуверлива игра во натпревар во кој Реал излезе со измешан состав. Домаќините стигнаа до водство во 42-та минута преку Виљар, но само 6 минути подоцна Мастантуоно постигна гол за изедначување. Во вториот дел Реал беше далеку подобар ривал, но Албасете одлично ги одбиваше нападите на гостите. Во 82-та минута херојот Бентанкор постигна погодок за ново водство на Албасете, но Реал повторно се врати со голот на Гонзало Гарсија во 91-та минута. Сепак, домашните на крајот излегоа како победници по маестралниот гол на Бентанкор во 94-тата минута.
Во останатите натпревари кои се одиграа вечерва, Бетис ја совлада екипата на Елче со 2:1, а Алавес беше сигурен против Рајо Ваљекано со 2:0.
Извор: vecer.mk
