Најмалку 47 лица загинаа во пожар во преполниот бар во алпскиот ски-центар Кран Монтана. Швајцарските истражни органи брзаат да ги идентификуваат жртвите. Повеќе од 100 лица се повредени.
Претседателот Ги Пармелин прогласи петдневна национална жалост, опишувајќи ја катастрофата како еден од најтрауматичните настани во историјата на Швајцарија.
„Земјата им должи на овие млади лица кои ги загубија своите надежи и соништа, да осигура дека ваква трагедија нема никогаш повеќе да се повтори“, соопшти Пармелин.
Очевидци за медиумите опишуваат како еден од вработените носел колешка на раменици која држела запалена прскалка на врвот на шише, по што пламенот го зафатил дрвениот таван и предизвикал негово брзо уривање. Пламенот се проширил за само неколку секунди, што го зафатил објектот во кој имало многу луѓе, претежно тинејџери.
Швајцарската полиција предупреди дека процесот на идентификација на настраданите може да трае со денови, па дури и со недели.
Извор: tv21
