Големата истрага во Турција на тема нелегално обложување, го опфати и мечот од Лигата на Европа помеѓу Фенербахче и Штутгарт.
Истиот се одигра во октомври, а сомневањата се пред се на чудни движења и потези на некои фудбалери.
Според информациите од турскиот весник „Сабах“, истражителите се насочени кон обложување кое точно предвиде дека играчот од средниот ред на Фенербахче, Исмаил Јуксек, ќе добие жолт картон во 98. минута од натпреварот. Обложувањето наводно го направил Ерсен Дикмен , кој е близок до играчот од средниот ред на Фенербахче, Мерт Хакан Јандаш . Двајцата моментално се во притвор и чекаат судење по обвинение за вмешаност во местење натпревари и нелегално обложување.
Според истражителите, Јандаш му префрлил пари на Дикмен, кој постојано правел облози поврзани со специфични дејствија од страна на Јуксек како што е добивање картон или извршување на одреден број прекршоци.
Истрагата се водеше и по други натпревари на Фенербахче, вклучувајќи го и натпреварот против Славија Прага во 2024 година. Се наведува дека Дикмен направил 15 одделни облози дека Исмаил Јуксек ќе направи најмалку три прекршоци во овој натпревар играчот од средниот ред направил пет прекршоци, што ги направило сите облози профитабилни.
Извор: vecer.mk
