Институтот за бои Пантон традиционално, како и секоја година, ја избира бојата за претстојната 2026 година и веќе ја гледаме насекаде околу нас.
Доловувањето на културниот дух и трендовите за претстојната година е напорна работа, но секоја година Институтот за бои Пантон избира боја за да го направи токму тоа. И тој се одлучи за нијансата на белата боја, како боја на годината за 2026 година.
Институтот Пантон, кој се смета за водечки авторитет за бои, предвидување на трендови и консалтинг за брендови, ја опиша нијансата како „брановидна, избалансирана бела боја, исполнета со чувство на спокојство“.
-Како што притисокот на технологијата врз секојдневниот живот се интензивира, нијансата Cloud Dancer е „смирувачко влијание во френетичното општество, повторно откривајќи ја вредноста на умереното размислување и тивката рефлексија“, изјави за CNN Лeaтрис Ајсман, извршна директорка на институтот.
View this post on Instagram
Како што додаде таа, белата боја е поврзана со нови почетоци и ја означува нашата желба за нов почеток.
-Името на бојата е клучно. Штом ќе го чуете името што ја опишува бојата, веднаш имате слика пред вашите очи, вели Лорин Пресман, заменик-директор.
Оваа прецизна нијанса на бела боја со својот „рамномерен баланс на ладни и топли нијанси“ е внимателно избрана.
-Доколку се одлучивме за бела боја, која е оптички посветла, таа не само што ќе отстапуваше од природното чувство, искреноста и автентичноста што ги бараме… речиси зборува за стерилност и изолација, бидејќи е ладно, рече Ајсман.
Додека различните нијанси на бела боја се сеприсутни во модата долго време, оваа нијанса особено се поврзува со лелеави силуети и природни ткаенини слични на пердуви“, верува таа.
Извор: kurir.mk
