72-годишниот скопјанец Новчо Цветковски е навистина интересен лик. За него од Црвениот крст на Град Скопје споделија интересни и инспиративни факти, а воодушеви со неговиот гест по повод Осми март.
-Човек кој во седумдесетите со својата пезетка патувал до Одеса, човекот кој знае повеќе од 5 000 вицеви, ништо запишано, туку сѐ во својата главата. Крводарител кој дарувал крв 77 пати, иницијатор на отварање на Клуб на крводарители во ГТЦ и голем мотиватор во оваа област. Повеќе од десетина години е активен во “Дневниот центар за лица во трето доба” на Црвен крст на град Скопје. Заедно со својата сопруга посетувале чи-конг вежби, активност која со години ја практикуваме во овој центар за лица во трето доба.
За 8 Март, Меѓународниот празник на жената, тој на 80 жени во Дневниот центар им подари цвет. Ова негово внимание е во чест на неговата прерано почината сопруга за која има само преубави зборови, преубави спомени и со која имал прекрасен живот, споделија од Црвенито крст на Скопје.
Чи-конг претставува вештина која е дел од кинеската традиционална медицина, која во себе содржи техники за дишење, бавни движења и медитација, со цел зголемување и зајакнување на циркулацијата на енергија во телото.
ИЗВОР: skopjeinfo.mk
