Тендерската постапка за Луна паркот во Скопје ќе биде распишана до петок, потврди градоначалниот на Град Скопје, Орце Ѓорѓиевски во гостувањето во Дневникот на Сител телевизија.
Градоначалникот се надева дека од следната година ќе се започне со реализација на овој проект и граѓаните конечно ќе го добијат долгоочекуваното катче за забава.
-Убеден сум дека Скопје конечно ќе добие Луна парк. Такво нешто нема, не само во Македонија, туку ни во регионот. Рокот е до јуни 2027 година, истакна Ѓорѓиевски.
Изградбата на Луна паркот беше едно од изборните ветувања на Ѓорѓиевски. Генерации деца пораснаа без вакво забавно катче, а Ѓорѓиевски вети нов, модерен Луна парк, наменет за сите генерации.
Простор кој нема да има само реквизити, туку ќе биде современ забавен центар со европски стандарди за безбедност, со ролеркостери, водени атракции, интерактивни игри и зони со виртуелна реалност.
Извор: kurir.mk
