Повеќе од 1.200 луѓе загинаа, а над 800 лица сè уште се водат како исчезнати во катастрофалните поплави и лизгања на земјиштето предизвикани од одделни бури што донесоа обилни и долготрајни дождови низ Шри Ланка, голем дел од Суматра во Индонезија, јужен Тајланд и северна Малезија минатата недела, покажуваат најновите податоци од властите во погодените земји.
Поплавите и лизгањата на земјиштето однесоа најмалку 659 животи на островот Суматра во Индонезија, 181 во Тајланд, 390 лица во Шри Ланка и три во Индија, пренесува АП.
Спасувачите бараат уште 475 лица кои се водат како исчезнати во Индонезија и 352 во Шри Ланка откако циклонот Дитва и други бури предизвикаа поплави и лизгање на земјиштето во регионот.
Извор: tv21
