За време на масовниот напад врз Украина во текот на изминатата ноќ и утрово, Русите лансираа околу 36 ракети и речиси 600 дронови, изјави претседателот на таа земја, Володимир Зеленски.
„Главните цели на нападот беа енергетски и цивилни објекти, а голема штета беше предизвикана и од пожарите во станбените згради. Засега е познато дека десетици луѓе се повредени, а тројца се убиени“, рече Зеленски, пренесува „Униан“.
Тој нагласи дека е потребно да се работи на обезбедување доволен број ракети за системите за воздушна одбрана, со цел да се заштити Украина и да се изврши притисок врз Русија.
Извор: tv21
