Портпаролот на рускиот претседател, Дмитриј Песков, денес изјави дека во моментов се вложуваат сериозни напори за постигнување мирно решение за ситуацијата во Украина, нагласувајќи дека нема ништо поважно од тоа.
Во интервју за телевизискиот канал Русија 1, тој повика да не се претерува со „деструктивното значење“ на наводните транскрипти од разговорите меѓу помошникот на рускиот претседател, Јуриј Ушаков, и специјалниот пратеник на американскиот претседател, Стив Виткоф, кои протекоа во медиумите.
Портпаролот на Кремљ нагласи дека оние кои сега се обидуваат да го отстранат Виткоф по објавувањето на транскриптите од неговите разговори „имаат за цел да го спречат скромниот напредок кон решение во Украина“.
Извор: tv21
