Градоначалникот на Чаир, Изет Меџити, во гостување во емисијата „Директно“ на ТВ Телма изјави дека идниот лидер на коалицијата Вреди ќе се избира меѓу него и градоначалникот на Тетово, Биљал Касами.
Меџити нагласи дека двајцата имаат силни политички позиции во клучните центри каде што живее најголем дел од албанското население.
„Тој е повеќе фактор во Тетово, јас во Скопје. Ова се два главни града каде се концентрирани Албанците и затоа работиме на креативни решенија. Разгледуваме модели од европски партии, особено германскиот модел“, изјави Меџити.
Според него, во коалицијата се разгледуваат повеќе можни формули за избор на лидер, при што се земаат предвид искуства од практики во различни европски политички организации.
