Оваа луксузна уметност на природата со десетлетија ѝ припаѓала на Рејчел Ламберт Мелон (1910 – 2014) – позната и како Бани, американска хортикултурна инженерка, филантроп и колекционерка на уметнички дела, можеби најпозната по нејзиниот проект за редизајнирање на градината со рози во Белата куќа во 1961 година, по барање на тогашниот американски претседател Џон Ф. Кенеди. Дијамантот е продаден за околу 19 милиони евра, а конечната цена по оданочувањето е околу 21,6 милиони евра. Истиот скапоцен камен во 2014 година беше продаден од американската „Сотби’с“ во Њујорк – за рекордни 27,6 милиони евра.
– Сметан за еден од најубавите дијаманти во боја, некогаш понудени на наддавање, овој дијамант е проценет на 20 до 30 милиони евра во „Кристи’с“, изјави Рахул Кадакија, директор на Меѓународниот оддел за накит на фирмата.
Највисоката цена за син дијамант од аукциската куќа „Кристи’с“ беше постигната во 2016 година во Женева за „Синиот Опенхајмер“. Тој тогаш беше платен 49,2 милиони евра.
Извор: vecer.mk
