Најмалку пет лица се повредени откако автомобил се заби во група пешаци и велосипедисти во Сен-Пјер-д’Олерон, на островот Ил-д’Олерон, покрај западниот брег на Франција, изјави францускиот министер за внатрешни работи.
Во објава на платформата X, Лоран Нуњез рече дека две лица се на интензивна нега, а три други имаат полесни повреди.
Осомничениот е уапсен и истрагата е во тек.
Градоначалникот на Долус-д’Олерон рече дека мажот е осомничен за пиење и земање дрога, објави Ројтерс.
Претходно, француските медиуми објавија дека во инцидентот се повредени до 10 лица, а извори блиски до истрагата велат дека возачот „намерно“ се забил во луѓето, објави Ле Фигаро.
Весникот „Суд-Оест“ објави дека се повредени десет лица, од кои четворица се во критична состојба.
„Суд-Оест“ и „Ле Паризиен“ го објавуваат истото, додавајќи дека истражителите ја проверуваат и можноста осомничениот да е ментално болен.
Француското обвинителство за антитероризам сè уште не ја презеде истрагата, објавија француските медиуми.
Извор: tv21
