Карл Билд: Сè укажува дека Доналд Трамп ќе ја нападне Венецуела

Поранешниот шведски министер за надворешни работи, Карл Билд, денес изјави дека очекува напади од САД врз Венецуела.

„Сè укажува дека американскиот претседател Доналд Трамп ќе изврши напади во Венецуела. Тој ја овласти ЦИА да изврши некаков вид операција, па веројатно нешто веќе е во тек. Сериозна ситуација и криза, но се надеваме дека е географски ограничена на карипската област“, ​​рече тој, според шведскиот јавен сервис СВТ.

Тој додаде дека верува оти напад врз Венецуела би можел да биде следниот потег на Трамп, иако забележа дека е тешко да се предвидат постапките на американскиот претседател.