Полицијата во Берлин уапси 22-годишен Сириец поради планирање терористички напади во германската престолнина, соопшти денес канцеларијата на државниот обвинител.
Повикувајќи се на извори во безбедносните служби, весникот „Билд“ објавува дека 22-годишниот Абдала Р. планирал самоубиствен напад со експлозивна направа врз засега непознат објект во Берлин.
Тој дошол во Германија во 2023 година и побарал азил, кој му бил одбиен, но имал дозвола за престој.
Полицијата пронашла материјал за изработка на експлозивна направа на три адреси каде што бил пријавен.
Медиумските извештаи велат дека тој бил член на Исламска држава. Тој бил уапсен вчера попладне во берлинскиот кварт Нојкелен, каде што живеат луѓе од арапско потекло. Дебатата неодамна повторно се разгоре во Германија околу тоа дали мигрантите треба да се враќаат во Сирија.
Извор: tv21
