Даниеле Де Роси е најсериозен кандидат да биде нов тренер на тимот на Џенова, откако менаџментот на клубот одлучи да му врачи отказ на Патрик Виера.
Клубот во моментов е во потрага на негова замена, а како што јавуваат медиумите во Италија, Де Роси е фаворитот.
Џенова е во ужасна ситуација, и е последна на табелата во Серија А. Нема сеуште победа сезонава, што ја прави ситуацијата многу деликатна.
Како привремено решение, тимот ќе го предводат Роберто Мургита и Доменико Кришито на утрешниот натпревар против Сасуоло. По овој натпревар, раководството на Џенова ќе се обиде да назначи постојан тренер со долгорочен договор.
Извор: vecer.mk
