И официјално. Од денеска Патрик Виера не е веќе тренер на Џенова. Некогашниот француски репрезентативец, легенда на Арсенал, доби отказ во клубот од Џенова.
„Џенова објавува дека Патрик Виеира повеќе не е тренер на првиот тим“, се вели во краткото соопштение на клубот, чие водство 49-годишниот Виеира го презеде во март.
Од почетокот на новата сезона, Џенова освои само три бода од три нерешени резултати и шест порази, нивниот најлош почеток во сезоната. За среќа за нив, по девет кола во Серија А има четири клуба кои сè уште се без победа, па работите сè уште можат да се поправат.
Виеира е легендарен француски играч од средниот ред кој одигра 107 натпревари за „Триколорите“, освојувајќи го Светското првенство со нив. Тој ја презеде тренерската работа во сениорската екипа во 2016 година, претходно раководејќи со младинските тимови на Манчестер Сити. Пред да се приклучи на италијанскиот клуб, тој беше тренер на Њујорк ФК, Ница, Стразбур и Кристал Палас.
Извор: vecer.mk
