Реал Мадрид е уверен дека ќе може да го потпише капитенот на Кристал Палас, Марк Геи, како слободен трансфер ова лето. Централниот бек беше на работ да се приклучи на Ливерпул на последниот ден од последниот преоден рок, но лондончани на крајот се откажаа од договорот и решија да го задржат англискиот репрезентативец, и покрај тоа што беше јасно дека нема да потпише нов договор со клубот. Геи останува цел на „црвените“, но шпанските гиганти Реал и Барселона се исто така во игра, како и Баерн Минхен.
Според „Сан“, „Сантијаго Бернабеу“ е уверен дека може да ја добие битката, а Геи би претпочитал да им се придружи на своите репрезентативни соиграчи Џуд Белингам и Трент Александар-Арнолд. „Белите“ го потпишаа десниот бек од Ливерпул откако чекаа да му истече договорот. Реал Мадрид му плати на клубот 10 милиони евра за да го користи Трент на Светското клупско првенство. Шпанските гиганти се поврзуваат и со централниот бек на Ливерпул, Ибрахима Конате, кој исто така е без договор. Сепак, формата на Французинот досега беше неконзистентна оваа сезона и приоритет на Реал сега е Геи.
Извор: vecer.mk
